Sunday 19 February 2017

උපන්දින කේක් ගෙඩියේ සැඟවුණු මාරයා : Danger of Artificila Food Colouring

                      අම්මි  ගොඩාක් ආදරේ හින්දයි......



පහල ගෙදර චූටි බබාගේ උපන්දිනේ..වටපිට ඉන්න තවත් වගේ සුරතල් පැටව් නෑදෑයෝ වටකරගෙන හරිම ලස්සන සාදයක්..

හැමෝගෙම හිත ඇදිලා ගියේ ගේ මැද්දේ ලස්සනට තියපු උපන්දින කේක් ගෙඩියට..සුරංගනා කතාවේ රාජ කුමාරි කේක් ගෙඩියක් වෙලා කුමාරිගේ ලස්සන පාට පාට තට්ටු තට්ටු ගවුම විධියටම හැඩ  කරලා චූටිට තියෙන ආදරේ වැඩිකමට….

රතු පාට..නිල් පාට..කහ පාට..කේක් ගෙඩිය කපන තුරු පුංචි උන්ට ඉවසිල්ලක් නැහැ..කේක් කන්න නෙමෙයි..පාට පාට  අයිසින් ටික තරඟෙට කන්න....

''ආනේ හරි ලස්සන කේක් ගෙඩිය..කොහෙන්ද ගත්තේ මගේ බබාගේ උපන්දිනේ එන සතියෙනේ..''

එහෙම අහන්නේ තවත් අම්මා කෙනෙක්..

''ඔයා දැක්කේ  නැද්ද ගිය මාසේ අපේ බබාගේ කේක් එක?'' තව අම්ම කෙනෙක් ලඟදි පැවතුනු සාදය ගැන කතාව.....

 උපන්දිනේ අවුරුද්දට එක දවසක්  කියා හිතුවත් දැන් බලාගෙන ගියාම මාසෙකට පාට පාට කේක් කැපෙන සාද දෙක තුනකටවත් මේ පුංචි එවුන් යන පාටයි.. විතරක් යයි.....   පෙර පාසැලේ දරුවන්ගේ උපන්දින වලට සතියට දෙතුන් වතාවක්වත් පාට පාට අයිසින් කේක් වරදින්නේ නැහැ ..

සාදය මැද්දේ යන අතුරු කතාවක්..පෙර පාසැලේ චුටි දුවක් ගැන..

''දන්නවද අර ''අරලියා'' පන්තියේ සෙනාලි බබා..ආයේ අසනීප වෙලා මහරගම ගෙනිහින්..ලේ පිලිකාවක්ලු.. ''

''අයියෝ අහනකොට බයත් හිතෙනවානේ..මොකද බබා..යන්නකෝ සෙල්ලම් කරන්න මෙන්න ඔයාට රතු පාට කේක් කෑල්ලක්, ෂෝයි නේ?''

අද වන විට පිළිකාව පැතිර යන්නේ සෙම්ප්‍රතිශ්‍යාව කැස්ස හා සමාන වේගයට. ළමයින් සඳහා වන පැණිරස ආහාර, කෘත්‍රීම බිම වර්ග, කේක් සඳහා යොදා ගන්නා  ආහාර වර්ණක ලමා පිළිකා සඳහා ප්‍රධානම  හේතුවක් බව මේ වන විට සොයාගෙන තිබෙනවා..


පිළිකා
පමණක් නොවෙයි තවත් හා සමාන ළමයින්ට බලපාන රෝග ගණනාවකම හේතු කාරකය උපන්දින කේක් කැබැල්ලෙන්..පාට පාට ජෙලි, පෑන් කේක් සහ වෙනත් අතුරුපස වර්ග වලින් දරුවාට අම්මාගේ ආදරයත් සමඟ ලබා දෙන බව ඔබ දැන සිටියාද?

විවිධ වර්ණ වලින් කුඩා  බෝතලයක අසුරා, කෘතීම සුවඳ ඔබ්බවා සුපර් මාර්කට් රාක්කයෙන් ඔබ අතට එන ආහාර වර්ණක වල අඩංගු මොනවාදැයි  ඔබ දන්නවාද?

බොරතෙල් මගින් ඛනිජතෙල් නිෂ්පාදනයේදී ඇතිවන ප්ලාස්ටික් වලට සමාන අතුරුපලයක් (unrefined petroleum) යොදා ගනිමින් නිපදවෙන ආහාර වර්ණක ලේබලයේ අවාසනාවකට සම්බන්ධව ලියවෙන්නේ නැහැ

දරුණු පිළිකා කාරක අඩංගු බවට ඇති මහා පරිමානයේ සාක්ෂි නිසාම දියුණු රටවල ලේබලයේ මේ බව සඳහන් කිරීම නීතිමය කටයුත්තක් වුනත් අදටත් බොහෝ රටවල සිතා මතාම මේ බව නොසලකා හරිනවා.. ආහාර සම්බන්ධ නීති රීති තදින්ම  ක්‍රියාත්මක වන ඔස්ට්‍රියා සහ නොර්වේ යන රටවල ආහාර වර්ණක සම්පුර්ණයෙන්ම නීතියෙන් තහනම් කර තිබෙන්නේ මේ හේතුව නිසා..

ලංකාව සහ ඉන්දියාව වැනි ආහාර ප්‍රමිතියක් නැති   ආසියානු රටවල භාවිතා වන ආහාර වර්ණක වෙනත් රටවලටත් වඩා පහත් මට්ටමේ  පවතින බවත් , පිළිකා කාරක සහ වකුගඩු රෝග වලට මුල් වන විස රසායන වලින් සංතෘප්ත බවත් පැවසෙනවා.  

පුංචි ළමයින් වැඩියෙන්ම කැමති පාටවල් වන්නේ රතු සහ කහ. මේ පාට දෙක සැකසීමට ගන්නා  වර්ණක වල පිළිකා කාරකයක් ලෙස ලොවම හඳුනන benzene අඩංගු වෙනවා

කේක් වර්ග, බූන්දි වැනි  පැණි රස ආහාර සහ බිම වර්ග සඳහා රතු සහ කහ වර්ණ වර්ණක නැතිවම බැහැ. පුංචි සුරතලාගේ මාරයා ඔහුට/යට   උපන් දින කේක් කැබැල්ලෙන්, පාට පාට අතුරුපසින්, අයිස් පලමෙන් ආදරයත් සමඟ ලබා දෙන්නේ ඔබම බව දැන් වැටහෙනවා නේද?

''ඉස්සර ළමයි වගේ නෙමෙයි දැන් ළමයින්ට හරිම විසේ..''

අම්මලා නිතර කියන කතාවක් මේ.. හැසිරීමේ අසාමාන්‍යතා  ඇති කරන  Attention Deficit Hyperactivity Disorder (ADHD) නමැති රෝගය අද වන විට ලොව පුරා දෙමව්පියන්ට මහත් හිසරදයක් වෙලා. මොලයේ ක්‍රියාකාරිත්වයට සම්බන්ධ ඩොපමින්  නම් රසායනයේ ඇති අසමතුලිත බවක් නිසා හැසිරීමේ වෙනස්කම් ඇතිකරන මෙම රෝගයට හේතුව කුඩා දරුවන්ට  පැණි රස ආහාර සමඟ කැවෙන ආහාර වර්ණක බව අද වන විට සොයා ගෙන තිබෙනවා.

''දැන් ඉන්න පුංචි  එවුන් හරියට පැහිලා..අපේ කාලේ අපි දන්නෙවත් නැති දේවල් උන් දන්නවා..''

''කන්දේ උඩ  ගෙදර චුට්ටි ලොකු ළමයෙක් වෙලා දන්නවද? පව් අප්පා කෙල්ලට කෙල්ලට තාම අවුරුදු නමයක්වත් නැහැ ''

මේ වගේ කතා බහ අද වෙනකොට හරිම සාමාන්‍යයි..නමුත් මේ මට්ටමට දරුවන් පත් කලේ තමන්ම බව දෙමව්පියන් නොදැනීම අපේ කාලේ දෙමව්පියන්ගේ ඛේදවාචකයක්..පාට පාට අයිසින් කේක්, රස කැවිලි මගින් දරුවන්ට ලිංගික හෝර්මෝන නොදැනුවත්වම ලබා දෙන්නේ ඔබ විසින්මයි.

කහ සහ රතුපාට  ආහාර වර්ණක තුල ඊස්ට්‍රජන් නමැති ලිංගික හෝර්මෝනය අඩංගු බව පර්යේෂණ වලින් සොයාගෙන තිබෙනවා. ඊට අමතරව කුකුලන්ට, ගවයන්ට, හරකුන්ට  ලබා දෙන හෝර්මෝන නිසා සියලුම මස් සහ මස් නිෂ්පාදන මගින් දරුවන්ට අධික ලෙස ලිංගික හෝර්මෝන ඇතුළු වෙනවා..මේ නිසා තමයි වයසට පෙර ඔවුන්ට ලිංගික පර්යේෂණ කිරීමේ අවශ්‍යතාවයන් සහ අඩු වයසින් වැඩි විය පැමිණීම සිදු වෙන්නේ..


ආහාර වර්ණක දරුවන්ට පමණක් නොවෙයි වැඩිහිටියන් ඇතුළු සියලු දෙනාටම මාරාන්තික පිළිකා ඇති කරන සුළුයි.පහත සටහනේ දැක්වෙන්නේ   වර්ණ මගින් ඇතිවෙතැයි සොයාගෙන ඇති විශේෂිත පිළිකාවන්.


නිල්:

Brilliant Blue: වකුගඩු පිළිකා, වකුගඩු අක්‍රියවීම
Indigo Carmine Blue: මොලයේ  පිළිකා

රතු:

Citrus Red:  මුත්‍රාශයේ පිළිකා
Erythrosine: තයිරොයිඩ් ග්‍රන්තියේ පිළිකා (අධික විෂ නිසා තහනම් කර ඇති වර්නයකි)
Allura Red: ශරීරයේ ඕනෑම ස්ථානයක පිලිකා  ඇති කල හැක. ඉහත සඳහන් කල දරුවන්ගේ හැසිරීමේ රෝග සඳහා හේතුවන්නේ මෙම වර්ණයයි. ප්රතිශක්තිය දුර්වල කරයි.

කොළ:
Fast Green:  මුත්‍රාශයේපිළිකා

කහ:

Tartrazine yellow සහ Sunset Yellow : ශරීරයේ ඕනෑම ස්ථානයක පිලිකා  ඇති කල හැක. ඉහත සඳහන් කල දරුවන්ගේ හැසිරීමේ රෝග සඳහා හේතුවන්නේ මෙම වර්ණයයි. ප්රතිශක්තිය දුර්වල කරයි.

වෙළඳපොලේ ආහාරයට වර්ණක අවශ්‍ය ඇයි?

කල් තබා ගැනීමට
ආහාරයේ සැබෑ ස්වරුපය වසා ගැනීමට
ආහාරයේ අඩංගු නොවන ගුණයක් ඇති බව පෙන්වීමට
කල් ගත වනතුරු රසය පවත්වා ගැනීමට
අලංකාර  පවත්වා ගැනීමට  


නමුත් ගෙදරදී නම් කුඩා දරුවාට තමන් අධික ලෙස ආදරය කරන බව පෙන්වීම සහ අන් අය අතර කැපී පෙනීමයි..ආදරයේ නාමයෙන් ඔබේ සිඟිත්තාට ඔබම මරු කැඳවනවාද ? තීරණය ඔබ සතුයි.


නිවසේදීම ස්වභාවික ආහාර වර්ණ සකසා ගන්නා ආකාරය මෙතනින් කියවන්න.


References;


රේණුකා විමලරත්න: ලන්ඩනයේ සිට
චායාරූප අන්තර්ජාලයෙන්





19 comments:

  1. මේකනම් හැමෝම කියවා දැනුවත් වියයුතුම දෙයක්... හිතන්නෙ නැති, දැනුවත් වෙන්න වෙහෙසෙන්නෙත් නැති, කවුරුත් කතා නොකරන දෙයක්.. අනේක වාරයක් ස්තූතියි රේණු මේ ගැන ලිව්ව එක ගැන..

    ReplyDelete
    Replies
    1. බොහොම ස්තුතියි බුද්ධිනි අක්කණ්ඩි අගය කලාට..පාට පාට කෑම ළමයින්ට හදලා දෙන හැටි බලාගෙන ඉන්නම බැරි තැන ලිව්වේ..මේ තරම් වටිනා බවක් හිතුනේ නැහැ.

      Delete
  2. හරිම වැදගත් ලිපියක්. ඒ වගේම මේ කෘත්‍රීම වර්ණකාරක වෙනුවට පාවිච්චි කරන්න පුළුවන් ස්වාභාවික වර්ණකාරාක ගැන කවුරැ හරි දන්නවා නම් මේ කමෙන්ට්වලින් ඒ ගැන පොඩ්ඩක් කියන්න පුළුවන්ද? ඒ ලොකු උදව්වක් වේවි.

    ReplyDelete
    Replies
    1. ස්වභාවික වර්ණ ගෙදරදීම හදා ගැනීම හරිම විනෝදයි..කාලයක් මුළුල්ලේම මන් ගෙදර කරන දෙයක්..ඒ සම්බන්ධව ලිපියක් ඔබ සැමගේ දැනුවත් වීම පිණිස පල කරන්නම්

      Delete
  3. This comment has been removed by the author.

    ReplyDelete
  4. ස්තූතියි රේණුකා ...වැදගත් ලිපියක්..

    ReplyDelete
    Replies
    1. බොහොම ස්තුතියි ඉන්දු

      Delete
  5. රේණුකාවැදගත්ලිපියක් ..

    ReplyDelete
    Replies
    1. බොහොම ස්තුතියි ඉන්දු

      Delete
  6. අප්පච්චි තාත්තේ ලමයින්ට දෙන්ඩ දෙයක් නැනේ බං

    ReplyDelete
    Replies
    1. ඒකනේ බං ඔක්කොම වහ.. :p :D

      Delete
  7. Mudal thanhaawata wisa kawala kohen kelawara weida ithin hodama de swabawika dewal walata yomu weemai... watina deyak kiwwata godak sthuuthi madam

    ReplyDelete
  8. අපොයි.... ඊයෙත් මගේ ඇස් ඉදරිපිටම අම්මා කෙනෙක් තමන්ගෙ දරුවො තුන්දෙනාට ප්ලාස්ටික් බටවල දාලා විකුනන කහපාට ජෙලි අරන් දුන්නා... මට නම් පාට කරපු කෑමක් දකිද්දිම "වහ" කියන සංඥාව ඔලුවට වැටෙනවා. මේ විදිහටට තව ටික කාලයක් ඉස්සරහට ගියොත් නිරෝගි කෙසේ වෙතත් මතු පරපුරක් කියන එකත් හීනයක්ම වෙයි. මේ ලිපි කියවද්දි රේනුකා අක්කට පිං දෙන ගමන් මම නිතරම කල්පනා කරන්නේ මේ දැනුවත් කිරීම මීට වඩා පුලුල් විදිහට සමාජගත කරන්නේ කොහොමද කිය එක ගැනයි ....

    ReplyDelete
    Replies
    1. නිසි කාලයේදී ඒ සඳහා අවස්තාවක් ලැබෙයි කියා බලාපොරොතතු වෙනවා දැනට අපි මේ අයුරින් ප්‍රචාරය කරමු..ස්තුති සහෝදරයා..

      Delete
  9. මම නම් කෑම හදද්දී food coloring පාවිච්චි කරන්නේ අඩුවෙන්. නමුත් අපි රස කර කර කන ජෙලි, ජුජුබ්ස්, මශ්මෙලොස් වගේ කෑම වලත් ඒ අවධානම තියෙනවා නේද කියල තදින්ම දැනුනේ මේ ලිපි කියෙව්වමයි. මම නම් මගේ පොඩ්ඩා පැණි රස කෑම කන කාලෙට ඔය කෑම ජාති නම් සීමා කරන්න පුළුවන් හැම දෙයාක්ම කරනවා කියලා මටම පොරොන්දු උනා.ගොඩාක් ස්තුතියි ඒ වගේම පින් දැනුවත් කිරීමට

    ReplyDelete
    Replies
    1. අනතුරු ඇඟවීම කලත් ඒ ගැන අවන්කවම හිතට ගන්නා අය අඩුයි..ඔබේ අධිෂ්ඨානය ක්‍රියාත්මක කිරීමට ශක්තිය ධෛර්‍යය ලැබේවා

      Delete
  10. හතිලව්වයි කියවුණා , අනේ මන්දා අත්තම්මා ගේ ලිපි කියවද්දී කන්නේ මොනාද කියන පැනෙත් හිතට ආවා ඔන්න ,,,, ජයවේවා !!!!

    ReplyDelete
    Replies
    1. කන්න දෙයක් නැති තරම්..වහ ඒ තරම් ආහාර වලට වස විස එක වෙලා..නමුත් ඔබ මා ජිවත් වන රටවල ඒ අවධානය අඩුයි ආහාර වල තත්ත්ව පරික්ෂාව නිත්‍යානුකුලව හැම ආහාරයකටම බලපාන නිසා..

      අපේ රටවල නම් දැන් වෙන්නේ දැනගෙන වහ කාලා මැරෙන්නයි

      Delete